0 تيجي تصيده يصيدك

تيجي تصيده يصيدك ..........!!
كلنا عارفين ان القطة دائما ما تصطاد السمك ولكن من الممكن ان يصطاد السمك القطط ..... لان الحكمة بتقول تيجي تصيده يصيدك ..........!!

المشكله ان الناس النشطاء الحلوين بتوع 6 ابليس مش قادرين يفهموه ان المجلس العسكري بيلاعبها صح المشير انتهز اجتماع السفيرة الامريكية المغلق معاه وراح مطلع لهم بيان انهم سامحوها .... الهانم بقي افتكرت ان السفيرة الامريكية ضغطت علي المشير قوم ايه البنت الناشطة دي ما تصدق تعبر عن انها انتصرت وتقع في الفخ بغباء اهلها وتقول السفيرة ضغت علي المشير و خلتهم يتنازلو عن البلاغ وتقوم تحتفل بذلك بعمل حفل افطار رمضاني في الازهر بارك هي وكل اصحابها طيب معلش يعني يا كتكوته بالعقل كده هو مين اللي افضل عند الامريكان عشان يضغطوه علي المشير من اجله ؟ واحدة بنص لسان ابجاديتها ضايعة ولا يضغطوه علي المشير عشان المواطن الامريكي الجاسوس الاسرائيلي و اللي لسه مقبوض عليه وهو بيشعلل الدنيا امام قسم الازبكية وفي امبابه ؟!!وبعدين هو مين اللي بالنسبه ليهم افضل ويحقق مصالحهم واحدة صغيرة نكره زيك ولا واحد زي ايمن نور امريكا حفت عشان تفرج عنه ايام جورج بوش الابن ومبارك رفض ؟!! ويعتبر مرشح محتمل لرئاسة الجمهورية ؟!! ماهو بالعقل كده المشير هو اللي صادك مش انت اللي انتصرت عليه لانه ببساطة كل الناس في مصر حتكرهك اكثر بعد الافراج عنك لانهم كده حيقولو انك فعلا عميله امريكية امال السفيرة الامريكية حتشملل روحها وتتلافي الشبشب والطرحه وتروح لحد المجلس العسكري ليه الا عشان واحدة جاسوسه وطبعا هي دي مصر يا عبله هو مش بردوه تيته جولدا مائير طلبت العفو عن هبه سليم بتاعه هي دي مصر يا عبله من الرئيس السادات والسادات قالها بس دي اتعدمت النهاردة الصبح بس لو كنت جيتي بدري شويه وطبعا هبه سليم مكنتش اتعدمت بس السادات قال لجولدا مائير كده عشان ميكونش فيه ورقه ضغط علي مصر من خلال واحدة متساويش تلاته تعريفه و كمان للاسف انت طلعت بنت محفوظ بصحيح يعني انت واحدة حافظة مش فاهمه ولا عمرك حتفهمي خاصة ان انت طلعت اكدت بنفسك ووقعت في الحفره اللي اتنصبت لك يا قطة وده طبعا بكل سهوله وغباء وقلتي بكل فخر ان السفيرة الامريكية ضغطت علي المشير .... وبعدين يا ست الناشطة بما انك تعليم اجنبي في صربيا وامريكا مخدتيش بالك من البيان رقم 72 انه بيقول تحويل الامر للقضاء العسكري لاتخاذ اللازم .... اي موظف حكومي عقر عارف ان كلمه يحول لاتخاذ اللازم دي كلمه مطاطه يعني رفض بس بشياكة..و انا متوقع انه مستقبلا حيكون رد القضاء العسكري انه عند اتحاذ الازم اتضح لنا انها مشتركة في اعمال تخابر مع جهات اجنبية تعرض امن وسلامة الوطن للخطر و ذلك بناء علي البلاغ المقدم من جهه سيادية ...الخ وطبعا لسه ياما في الجراب يا حاوي دي تهمه واحدة من باقي التهم وفي الاخر حتعرف انها غبيه هي واللي وراها لانه من الغباء الاعتقاد بكونك اذكي الاخرين عشان كده متحطيش ديلك في حوض السمك لان السمك ده اه شكله جميل وناعم بس في الاصل سمك قرش وهي دي قوة مصر وسياستها سياسة القوي الناعمه .... عموما انا مكنتش عاوز اوضح الكلام ده من قبل بس لما لقيت ان الناس مش قادره تفهم وكله طالع امام السفارة الاسرائيلية يشتم في قادة الجيش رجال القوات المسلحه خير اجناد الارض والكل فاكر ان الجيش متخاذل ومتواطي مع الامريكان والصهاينة برغم من ان المظاهرات امام العمارة اللي فيها السفارة الاسرائيلية عند حديقة الحيوانات و امام بيت السفير بالمعادي وتفاخر الاعلام المصري بتحويل خبير تسلق مواسير الي بطل قومي عشان نزل العلم وكلنا عارفين ان اللي عنده خبره في تسلق المواسير لازم يكون في الاصل حرامي غسيل !! قلت امري لله اوضح للناس للمصرين يمكن توضيح الحقيقة يعرفهم قد ايه استيعابهم محدود وسهل جدا اي حد من اعلامي الغفله الصدامه والندامه اللي عاملين فيها علماء ببواطن الامور وهم ادعياء ثقافة انه ياثر عليهم ويقنعهم بأن المجلس العسكري خاين وعميل للصهاينه والامريكان ولازم نتخلص منه ونسقطه ونسقط الجيش المصري يوم 9 سبتمبر 2011 !! كما اسقطنا من قبل الشرطة المصرية يوم 25 يناير 2011 !!

تابع القراءة