اللي حصل لمصر يوم 28 ينايرهل كان يوما للغضب ام اغتيال لامن مصر ؟

  اللي حصل لمصر يوم 28 ينايرهل كان يوما للغضب ام اغتيال لامن مصر ؟!!

 شهيد الحشاشين خالد سعيد

طبعا كلنا عارفين ان بداية الاحداث من يوم 25 يناير كانت تلبية لدعوات علي الفيس بوك من جروبات اللي تعبتنا بحكاية انزل كل يوم جمعة وكلنا نجيب مصحف ونقعد علي الكورنيش وندي ظهرنا للطريق وبقت فرصة كل واحد يجيب صديقته وينزل يقعد باصص هو وهي وشهم للبحر و هات يا احلي كلام والاب والام نايمين في العسل ....!! وطبعا رايحه فين يا بنت عبد الحميد ....انا رايحه يا امه اقف في وقفة الشهيد !! يعني كل يغني علي ليلاه وليس كل من هاجر بيهاجر لله وللرسول وعشان كده كل واحد هجرته لما هاجر له .......!!
طيب شويه شباب عملوه دعوة مع بعض عشان ينزلوه ويتجمعوه زي ما بيعملوه كل جمعة امام الكورنيش وانها وقفة سلمية عشان حق الشهيد طيب ماهو فيه مليون واحد ماتوه اشمعني ده بالذات وبعدين

المهم نزلو الشباب التحرير يوم25 عادي جدا وطبعا محدش قال لهم حاجة وبعد كده تنبه الاخوان للامر وقالوه اهي فرصة ودخلوه في الليلة بداية من فجر يوم 26 الي يوم 28 دخل الامر في منعطف جديد جنود الشرطة من يوم 25 يناير واقفين في الشوارع خدمات لحماية المنشئات تخيل واحد بقاله 3 ايام واقف علي رجله مش عارف ياكل او يشرب او يروح الحمام زي الناس وميقدرش يترك مكان خدمة بتاعته عشان ميجيش له قرار جزاء ...!! وطبعا المعلومة اللي محدش خد باله منها ان اجهزة اللاسكي بطاريتها بتقعد استند باي 72 ساعة يعني كان فيه حد متعمد ان الامر يطول لحد ما تمر فترة 72 ساعة اللي بعدها اجهزة اللاسلكي تصبح مجرد قطعة من الخردة صماء لا تعمل وكلنا عارفين مين الجدع اياه اللي قاعد في امريكا يوجه عبر اليويتوب وقناة الحقيرة اللي بيشتغل فيها مشتشار ومحلل امني بعد ما الف اروع ما كتب عشان متنضربش علي قفاك دون ان يحصل علي تصريح من الجهه الامنية اللتي يعمل بها تماما مثلما قام السيد سعد الدين الشاذلي بتاليف كتاب دون الحصول علي تصريح من القوات المسحلة المصرية بذلك !! ومن بعد الخامسة مساء يوم الجمعة 28 يناير والتي سميت جمعة الغضب و قامت قناة الحقيرة بتهيج الشعب وكلنا شوفنا الدنيا ماشية ازاي واقتحام السجون وتهريب مساجين حماس وحزب الله واعمال السرقة والنهب مما يذكرك بانتفاضة الحرامية ايام الرئيس الراحل انور السادات .... وكان واضح ان النية مبيته لاغتيال امن مصر باسقاط جهاز الشرطة للابد !!

طيب السؤال الان هل كان التعدي علي امن مصرمن الداخل ام من الخارج ام من الاثنين معا ؟!

واضح جدا ان كان فيه ايادي بتلعب تابعه لايران واولادها الغير شرعيين امثال حزب الله وحماس والا لماذا تمت مهاجمة السجون اللي فيها افراد من حماس و حزب الله وتهريبهم خارج مصر في اقل من بضع ساعات عن طريق كل من السودان وانفاق الحدودية مع قطاع غزة المسيطرة عليه حماس عبر سيارات الشرطة اللتي تم سرقتها من مصر والعبور بها من قبل الانفاق المزودة بالمصاعد و اللتي تعمل عن طريق رافع هيدروليكي يسمح بصعود ونزول سيارات وشاحنات عبر تلك الانفاق لقطاع غزة وتستخدم في تهريب السيارات الفاخرة من مصر بعد سرقتها بالاضافة الي الاثاث والاجهزة الكهربائية ومواد البناء والتشيد ....الخ وظهور هؤلاء الهاربين علي شاشات التلفاز اثناء الاحتفال بهم في كل من فلسطين ولبنان ..مما يؤكد علي وجود ايادي اجنبية خططت ونفذت الهجوم علي السجون المصرية لتهريب هؤلاء بالتعاون مع اخوان الشياطين وبعض الخونه والعملاء في الداخل اللذين ولائهم الشديد لسادتهم في كل من ايران وقطر وفلسطين ...!!
طيب السؤال بقي مين اللي كان بيقاوم الشباب في ميدان التحرير هل هم افراد شرطة ام ارهابين محترفين ؟!!
بالفعل وكما هو معروف ان الشرطة في مصر ليس لديها قناصات تعمل بالليزر ولكن كان ميدان التحرير عبارة عن نموذج مبسط للامم المتحدة وكان فيه اشكال من كل جنس ونوع نسبة كيرة فلسطنين وايرانين واخوان مسلمين واجانب ويهود وامريكان واروبين ....كان فعلا مولد سيدي التحرير وبالفعل تم القبض علي قناصة اجانب ولم يعلن ذلك حفاظا علي الامن القومي كما قام الاهالي الشرفاء في اللجان الشعبية اللي من الغريب ان الذي دعا اليها كان الشيخ النحنوح اياه الداعية بتاع الفضائيات اللي تاريخه معروف مع المخابرات البريطانية ومروادة النساء عن انفسهم في حواري لندن حينما كان يدعي ان امن الدوله منعه من الاقامة في مصر المشكله انه تبع شله الخوالد اياهم اللي متزعمين تهيج الشعب مثل المخرج اياه والممثلين اياهم ....وطبعا اللجان دي قامت بالقبض علي اجانب وتسليمهم للجيش بعد ان نزل الجيش وسيطر علي الموقف !

طيب ايه سر السيارة الدبلوماسية اللي دهست الناس واخترقت جموع الشباب في التحرير ؟!

يعني هو من المعقول كده حد يقدر يهوب ناحية الشارع اللي فيه السفارة الامريكية ده اي حد عاوز تاشيرة بيروح يقف امام السفارة بالساعات ويقعد علي الرصيف يعني مش من السهل دخول السفارة واللي مدخلش السفارة الامريكية قبل كده اقول له انه لما بيدخل من الباب بيقوم بالدخول من باب جانبي ومن ثم يقوم بتسليم الموبايل والهوية واذا ان معاه ميدالية مفاتيح او حزام بنطلون فيه جزء معدني ومن ثم يمر من جهاز كشف المعادن ويقوم الموظف المسؤل بتفتيشه اذ استعدي الامر ويقوم بالمرور داخل ممر بعد ذلك للتوجه الي المكان اللذي يقصده داخل السفارة طيب اازي بقي السيارة دي تسرق من داخل الجراج الخاص بالسفارة ...والشئ الكوميدي انهم بيقولوه ان المفاتيج بتفضل في السيارات وان ده النظام عندهم بجد انا الموضوع ده مش داخل دماغي طيب لو الامر كله كده ليه امريكا لحقت نفسها بسرعة وقامت بانهاء عمل الاخت الشريفة العفيفة مارجيت سكوبي وجابت الحاجة ان لكي تكون السفيرة الامريكية في مصر وطبعا كلنا عارفين سحب امريكا للجدع الامريكي بتاع المعونه الامريكية ... هل ده مجرد صدفه ولا عشان رجليهم متجيش في الموضوع لما الحقيقة تبان ؟!

السؤال الان هو مش الثورة دي قامت عشان عيش حرية عداله اجتماعية .. طيب ازاي تحولت لاسقاط نظام ؟!!

ذلك هو بيت القصيد ومربط الفرس .... لان الموضوع في الاساس كان زيه زي وقفات اياها بتاعه الكورنيش في اسكندرية وكان الموضوع كله تعبير عن الاحتجاج والاعتراض علي موت شهيد البانجو ومن ثم تعاطف الشباب معاه خاصة ان نسبة كبيرة منهم متعاطي للمخدرات ويشرب الشيشة والسجائر والبيرة والكحوليات ...لذلك كان هناك نوع من انواع التقمص او التعاطف الوجداني مع ذلك الشاب في حين لو كان خرج وزير الداخلية منذ بداية الامر انه يوضح الحقيقة كانت الامور كلها وضحت ولكن للاسف كان صمت الداخلية حينما كان الكلام من ذهب وتكلمت حينما كان السكوت من الالماس !!
وكان يجب علي الشرطة اذاً ان تفعل مثلما فعل الجيش وتقوم بتامين الاماكن الحيوية فقط وتترك هؤلاء الشباب دون ادني اهتمام بهم ولكن للاسف اللي عمل كده هو الاعلام الرسمي المصري تجاهل وصمت في وقت كانت الحقيرة تقوم بالواجب لتهيج الشعب المصري في مخطط صهيوني قذر يقوم به واحد اصل اهله فلسطيني قذر وخياته واضحه لانه واضاح خنفر !!
والحمد لله ان الجيش المصري تعلم من اخطاء الشرطة ولم يقوم بتكرراها لان تجاهل الاعلام قام بفتح المجال لكل الخونه والماجورين من الاعلامين مثل الجدع الشريف العفيف اياه اللي ترك البيت بيتك وراح قعد في بته عشان يعمل فيها ثورجي !!
وطبعا لو نفتكر الشحن والتهيج كان دول شويه التراس ودي مبارة كرة قدم بين مصر وتونس وطالما تونس فازت وجابت جون وخلت بن علي يترك الحكم ويهرب خارج تونس يبقي لازم هما كمان يعملوه كده ولازم مبارك يرحل عن مصر !!
ولكن السؤال الحتمي هل حدث اختراق لفكر الشباب وتواصلهم عبر الفيس بوك ؟
ان اي انسان يفهم مبادئ مدرسة الجشطالت لذلك يهتم بالتفاصيل الصغيرة وانه لكي ندرك الكل يجب ان ندرك الجزء
من المؤكد انه انتبه لما قالته الاخت الشريفة العفيفة في اجتماعها مع طلاب بجامعة القاهرة في بداية عملها بمصر حينما سالت سؤال غريب وهو كم شاب في تلك القاعة لديه اكاونت علي الفيس بوك ....ولم يهتم احد من الاعلامين بذلك السؤال مما يؤكد علي انه كان هناك توجه ما خفي للفت نظر الشباب الي الفيس بوك ويوكد ذلك اجتماع الرئيس الامريكي في مأدبة عشاء مع المسؤلين عن كل من فيس بوك وتويتر وجوجل....الخ بعد اقل من اسبوع من تاريخ تخلي الرئيس مبارك عن الحكم... !!
اذا كان قد تم توجيهم عبر الانترنت هل كان ذلك لاستخدامهم كدرع بشري يحتمي به المطالبين باسقاط النظام ؟
بالفعل تم توجيه الشباب المصري عبر الانترنت واستغل ذلك الاخوان وبعض الخونه والعملاء وللتاكيد علي كلامي كلنا شاهدنا خطاب الرئيس مبارك المؤثر والذي حرك الجانب العاطفي في شخصية المصرين وكثير من الناس تحركت وتركت بالفعل ميدان التحرير ولكن تم ترويج شائعات بان من سيترك الميدان سوف تتم ملاحقته من قبل امن الدوله لذلك قام الشباب بالبقاء في الميدان وتم دعمهم بالخيام و الطعام وكافة عناصر التشويق والمتعة والاثارة !!

هل كان هناك شخصيات متعدده الجنسيات تنشر الفتن بين شباب المتظاهرين والشرطة لكي تدفع الشرطة للتعدي عليهم ؟

بالفعل كان هناك شخصيات متعددة الجنسيات الاديان كمان مثل الجاسوس اليهودي الاسرائيلي الامريكي المسلم !! والذي قام بقدرة قادر بالصلاة في الجامع الازهر بمصرين ومن ثم قام بتوجيه خطبه لهم وتم تصويره وسط المواطنين في ميدان التحرير و امبابة وكمان امام قسم الازبكية بشارع الجلاء بالقرب من ميدان رمسسيس ...!! وكمان كان وسط المواطنين في ميدان التحرير ذلك الصهيوني مشتشار ساركوزيه و المرشح المحتمل ليكون رئيس اسرائيل القادم وهناك العديد من هؤلاء

كيف حدث الفراغ الامني المفاجئ يوم 28 يناير ؟

طبعا كلنا عارفين انه من المنطق ان الانسان يتسطيع الصمود دون نوم او بالبلدي كده انه يطبق بالكثير 48 ساعة وده لو واخد علي كده لكن ان يستمر لمدة 72 ساعة علم النفس بيقول لنا انه ممكن يتعرض لصدمة عصبيه مع انهيار تام في قواه طيب اذا كان اجهزة اللاسلكي او حتي الموبايل بطاريتها بتفضي بعد 72 ساعه في وضح الاستعداد يبقي الانسان حيقدر يصمد طبعا اللي عارف كويس موديلات وانواع ااجهزة المستخدمة في الشرطة المصريه لازم يكون واحد خدم فيها وعلي درايه بكل الخطط الخاصة بمواجهة الازمات وللاسف الشديد كان من تلك النوعية المدعوه عمر افندي وشركاه
طبعا الحكمة بتقول احبب حبيبك هونا ما عسسي ان يكون عدوك يوما ما ...!! وطبعا هو عشان بيدور علي مصلحته فعمل كتاب " عشان متنضربش علي قفاك " والشباب المصري هلل له وفرح بالكتاب طيب طالما انت وطني قوي كده يا عم عمر افندي يا بتاع الكساء الشعبي يا قطاع عام ..!! بس واضح انك قطاع عام !! طيب مش الثورجي هو اللي يقود الجماهير من الميدان مش من قناة الحقيرة بتاعة الليدي بنانا وعبر اليوتيوب ؟! وانت قاعد في امريكا !! طبعا كان فيه بعض الظباط الصغار السن عديمي الخبره وبعض من القيادات قد تأثروه بكلام ذلك الكائن مناضل اليوتيوب !! ولكن دعونا نسائل هو الشعب عرف اليوتيوب ازاي ..... حقول لكم الفيلم الوحيد اللي كان بطوله هيفاء وهبي اللي من اخراج ذلك المخرج التابع لشلة الخوالدات اياهم في احدي مشاهد الفيلم وعلي لسان شخصية هامشية يقول بس متفضحنيش ع اليوتيوب اذا يتم توجيه المشاهد الي ان الفضائح والخفايا تنشر دائما علي اليوتيوب ؟!! وطبعا الفيلم ناس كثيرة دخلته عشان تشوف هيفاء وهي بتنضرب وبترقص طول الفيلم !! وكثير من الافلام اللي كانت مجرد سيناريوهات للاحداث مثل عاوز حقي والديكتاتور و دكان شحاته وحين ميسرة وهي فوضي ورامي الاعتصامي رائد فكرة الاعتصام والخيام فهل كان كل ذلك مجرد صدفة ام انها مؤامرة فنية موجهه للشباب المصري من خلال دس السم في العسل وتوجية الشباب لاغراض قذرة!

من الذي اعطي قرار بانسحاب الشرطة في انحاء الجمهورية بصورة منظمة وفي نفس الوقت ؟

طيب نفكر كده بالعقل ....مفيش اي وسيلة اتصال بالظبط والجنود اللاسلكي اتقطع لان البطاريات الخاصة بيه اصبحت فارغة !! والموبايلات جثة هامدة بعد قطع الانترنت وشبكة الجوال !! طيب ازاي بالعقل كده فيه حد يقدر يوصل قرار الانسحاب للجنود او الظباط ..!! طبعا وسيلة الاتصال الوحيدة في الميدان كان الشائعات ووهي وسيلة سريعة في وسط ذلك الحشد من البشر وسط ميدان صغير كل من فيه لن يزيدوه باي حال من الاحوال عن كام الف فرد مش كما قيل مليونيات ذلك المصطلح الفلسطييني الذي ابتدعة قادة حماس !! طبعا حيطلع لنا واحد فلحوص ويقول الميدان مساحة 350 الف كم مربع طيب اذا كانت مساحة مساحة دولة زي لوكسمبرج اللي البرادعي عاوز اسرائيل تكون مثلها وسط العرب 2586 كم مربع ! اين اذا مطار ميدان التحرير الدولي علي غرر مطار لوكسمبرج الدولي ....!! عموما وعشان خاطر الحبايب فقط مساحة ميدان التحرير بالحساب عن طريق برنامج الأوتوكاد الهندسي حوالى 76000 متر و فى حالة أحتياج الشخص الى نصف متر فيستوعب الميدان حوالى 152000 فرد
و لا تزيد مساحتة المتاحة للحركة عن ٤٠٠٠٠ متر وهي حوالي عشرة افدنه وفي حالة التزاحم الشديد فان المتر المربع قد يحوي 4 الي 6 افراد فلن يزيد الاجمالي عن 300 الف مواطن في حاله ان اللي متواجدين في الميدان كلهم اجسام رشيقة مثل غصن البان !!

لماذا اشتعلت اقسام الشرطة بنفس الطريقة وتدمير ما بها من مستندات ؟

هناك احد المواطنين كان في زيارة لحماته بمنطقة الجامعة الامريكية بالقرب من التحرير وقام بتسجيل شريط فيدو من الكاميرا الخاصة به وكان موضح به وجود قناصة غير مصرية علي سطح الجامعة الامريكية وذهب بالشريط الي قناة الجزيرة اللتي قامت بالاستيلاء علي الكاميرا الخاصة به ( والله راجل طيب متخيل ان تلك القناة الحقيرة اللي مديرها الخنفر اردني من اصل فلسطيني قذر عميل للموساد والمخابرات الامريكية من الممكن ان تذيع دليل ادانه لقناصة بلاك ووتر الامريكية ) المهم الراجل معرفش ياخد الكاميرا فراح قسم شرطة بولاق ابو العلاء لعمل محضر وبقدرة قادر بعد ذلك تم حرق القسم بالكامل وبالطبع اتحرق المحضر واصبح القسم مثل الانقاض اللتي شاهدناها بعد العدوان الاسرائيلي الاخير علي غزة

من الذي هجم علي سجون مصر كلها هجوم مسلح في نفس الوقت وافرج عن المساجين بالقوة ؟

للاسف الشديد قد تم ذلك من قبل الاخوان المسلمين و بعض العناصر المسحلة الخاصة بكل من حماس وحزب الله وايران
كيف وصل مسجوني حماس وحزب الله الي فلسطين ولبنان في نفس الليلة ؟
وصل الهاربون من السجون المصرية التابعين لكل من حماس وحزب الله عن طريق الاتي :
المساجين التابعين لحزب الله تم تهريبهم عبر السودان الشقيق برياً ومن ثم الي لبنان عن طريق الجو
المساجين التابعين لحماس تم تهريبهم عبر الانفاق المنتشرة علي الحدود مع قطاع غزة التابعة لحماس
وبمناسبة تلك الانفاق فأن مصر تعلم جيدا مكان كل نفق موجود على ارض سيناء ولو ابره خرجت او دخلت فهي بتدخل ومصرعلي علم وقد غضت الطرف ومصدره لهم عبده العبيط وتغمض عنيها بمزاجها وده مش ضعف بس بنقول اهو عشان الفلسطينين يكلوه ويفرحوه وعلى بلاطه جهاز المخابرات العامة يعلم جيدا تلك الانفاق ..اشطة يا جدعان يبقي يا قادة حماس الصياعة ادب مش فرد عضلات ومصر لن تسمح بان تكون هناك امارة ايرانية على حدودنا الشرقية ويجب ان تتوقف حماس على المتاجرة بدماء شعب غزة وان تتم تلموه روحكم وتحلوه اللي بنكم وبين فتح بالذوق عشان ده انذار اخير لتلك الكائنات الفلسطينية عشان لو نفذ صبر مصر عليكم حيكون ده هو الخيار الاخير لنا وصعب جدا ان حماس تتحمله ولن تتحمله ولن تستطيع ايران الرافضية هي وحزب الله وحاكم قطر ان يستطيع ايقاف الوحوش المصرية لان امن مصر فوق الجميع
هل كان ذلك ردا علي هجوم الاعلام الرسمي المتواصل علي حزب الله وحماس من قبل مسؤلين مصرين ؟
ياريت نرجع لكنا لخطاب السيد الرئيس مبارك في عيد الشرطة بيناير الماضي واحنا حنعرف الاجابة

اين كان جهاز امن الدولة عندما حدث هذا الانتهاك المخطط لامن مصر القومي ؟

بالفعل موجود ويعمل وهو من قام بالكشف عن الجماعة الفلسطينية اللتي قامت بتنفيذ عملية كنيسة القديسين في اول يناير
من الذي ظل معتصماً في ميدان التحرير بعد 25 يناير؟
الاخوان المسلمين وبعض الاجانب ممن يدعون انهم صحفين ورجال اعلام و اتباع الرافضية من حزب الله وايران وحماس وبعض البلطجية والمتشردين اللي وجودهم في الميدان كان مصلحة ليهم لان بالميدان كل ما لذ وطاب من اكل وشرب ومكيفيات واموال وكان بالفعل كرنفال او مولد شعبي ....مدد يا سيدي العريان مدد ...يوه قصدي يا سيدي التحرير مدد!!

من كان وراء موقعة الجمل هل هم فلول الوطني حقا 

ام ماذا ...........؟

طيب نركز مع بعض كده ..... هو مش موقعة الجمل ...يوه يا جدعان .موقعه جمل ايه بس هو احنا رجعنا لعهد معاوية ولا ايه ....قال موقعة الجمل ....طيب نرجع بالذاكرة شويه طبعا مش لعهد معاوية والدوله الاموية !! لا نرجع قبلها مش كان الرئيس مبارك خطب خطاب مؤثر حينما قال علي ارضها اموت و خاطب الجانب الوجداني العاطفي للشعب المصري حينذاك والناس كادت ان تخرج للشوارع مثلما خرجت لجمال عبد الناصر بعد خطاب التنحي الشهير ؟! وبالفعل فيه ناس نزلت لميدان مصطفي محمود والكل كان بيقول عييب اللي شوية العيال السيس اللي في التحرير بتعمله في رمز مصر وحتي العيال السيس دي ذات نفسها قالت انها عاوزة تروح ولكنها خايفة من ملاحقة امن الدوله ليهم زي ما الناس فهمتهم وضحكت عليهم بان اللي حيترك الميدان امن الدوله حتعلقة من قفا امه وحيحطوه السيخ المحمي في ايده.... ومشوها ايده المرة دي عشان احنا ناس مؤدبة ومهذبة ..!! وطلع الفريق احمد شفيق وقال لهم اللي عاوز يغادر الميدان يتفضل ومحدش حيتعرض له بس نقول ايه بقي كان فيه ناس بتعلب في نفوخهم والدوي علي الودان امر من السحر يبقي كان فيه ناس كل خوفها ان الجماهير الغفيرة الي هما متحامين في وجودهم يمشوه لان لو الجماهير دي مشيت الناس دي حتنكشف حقيقتها
طيب نحط نفسنا مكان الرئيس هل يعقل انه بعد ما اخطب خطاب مؤثر زي ده اضيع كل ده هباء وسدي ؟
اكيد لا وكمان مستحيل رجل مخابرات محنك كما يقال عنه وانه اللهو الخفي وقد اكل الدهر عليه وشرب مثل الشريف او رجل قانون مخضرم مثل سرور ان يغلط حد منهم غلطة زي دي تضيع اثر خطاب الرئيس مبارك بالكامل وتمحوه من وجدان الشعب المصري العظيم الطيب بالفطرة ؟! من المنطقي ان لا يعمل اي منهم علي سقوط الرئيس لان سقوط الرئيس هو سقوط لهم من قبل منه و لذلك المصلحة هنا يجب ان تكون واحدة ....اذا المنطق بيقول ان اللي عمل تلك التمثلية والخاصة بحكاية موقعة الجمل لازم يكون شخص او عده قوي هدفها الاساسي هو اسقاط الرئيس مبارك وتضيع اي اثار لخطاب الرئيس مبارك الذي خاطب فيه قلوب المصرين الشرفاء لذلك انا لا اعتقد ان يقوم بذلك لا الرئيس ولا مؤيدوه

ما الذي ادي الي كل هذا الاحتقان من الشرطة ؟

بالطبع الدوي علي الودان امر من السحر الشعب المصري منذ 1998 لا يسمع في الاعلام سوي كل ما هو ضد الرئيس والنظام وكلام كثير عن حكاية التوريث وان الرئيس يطمع في توريث ابنه الحكم مثلما حدث في سوريا من قبل وفي الفترة الاخيرة الماضية كانت كل الافلام والمسلسلات توجه الشعب المصري توجيه معنوي رهيب من قبل اعلامين اللي عملهم اعلامين ظلمهم وظلمنا معاهم لان كان هؤلاء يهيجون الشعب لزيادة نسبة الاعلانات اللتي تدخل جيوبهم بالدولارات !!
ولكن سبق وان وضحت انه قد كانت معاير تقيم اداء ظباط الشرطة واقسام الشرطة هي السبب وراء احتقان الشعب من الشرطة لانه كان تقيم اداء اقسام وظباط الشرطة حسب نسبة اشغال الاقسام وعدد الجرائم اللتي يتم ضبطها وتقديمها
لكن هل كانت الشرطة حقاً ان لم تجد الجريمة تقوم هي بصنعها ....احتمال وارد من قبل بعض الاشخاص المرضي من جهاز الشرطة ولكنه لا استطيع ان اقوم بالتعميم بالاضافة لوجود بعض التجاوزات من قبل بعض افراد الشرطة ولكون ذلك الظابط اللذي ارتكب خطاء ما قد تم نقله لصعيد مصر يقوم والده اللي بيكون لواء شرطة سابق او بالخدمة بالتدخل لتخفيف عن ابنه ....ماهو لو كان اصلا عرف يربي ابنه من الاول مكنش ده حصل بس لكونه كان رجل شرطة فقد قام بارهاب ابنه وهو صغير لذلك طلعت لنا تلك النماذج المريضة من رجال الشرطة اللي تصرفاتها دي ضيعت بلد بالكامل ولكن الخطاء ايضا هو التكتيم والتجاهل من قبل قيادات الشرطة ولو اني اعتقد انه كان من الممكن ان يكون هناك عقاب رادع لتلك النماذج المريضة ولو حتي دون الاعلان عن ذلك اعلاميا لكي يعلم ظابط الشرطة او امين الشرطة ان هناك من يحاسبة وانه ليس فوق القانون وتتم اعادة الحق لم تعرض للظلم علي يد ظابط شرطة ....وعموما لن ينفع البكاء علي اللبن المسكوب الان لان الغلط مشترك بين كل من الشعب والشرطة وكل منهم شارك في ضياع البلد بصورة او بأخري .....!!

ولكن السؤال الان هل فعلا كان هناك فساد في مصر بتلك الصورة الرهيبة كما شاهدنا عبر وسائل الاعلام ؟

لكي نحدد من هو المسؤل عن فساد الجهاز التنفيذي للدولة هل يمكنا ان نعود للوراء بدء من مصطفي السعيد الذي تمت اقالته من وزارة الاقتصاد بسبب تسهيل قروض الائتمانية لافراد عائلته وهو ما عرف قديما بظاهرة الحيتان ...!! ومن ثم اصبح مصطفي السعيد مستشار اقتصادي للحزب الوطني وحكومة الدكتور نظيف الالكترونية !! صاحبة فكرة الرقم القومي اللي صورة فيه للاسف ابيض واسود مما ادي لانه اصبح جميع افراد الشعب المصري بالكامل شكلهم في الرقم القومي ابحث مع الشرطة !! وبالتالي اصبح معتاد ان يقوم اي ظابط او امين شرطة بالتعامل مع المواطنين من خلال مبدء الشك لكونهم مطلوبين امنيا وجاري البحث عنهم عن طريق الشرطة .....مرورا بقي بحوار اللوحات المعدنية للسيارت ......الخ l
وطبعا كافة الجرائد في رسوم الكاريكاتير هات يا تريقة علي القرية الذكية والحكومة الالكترونية طيب لا ننكر اهمية مشروع القرية الذكية وانها كانت السبب في سيطرة مصر علي برنامج الصواريخ الاسرائيلي كما ذكرت لكم من قبل من خلال مهندس كمبيوتر مصري يعمل في مركز شركة البرماجيات الرئيسي في الشرق الاوسط والموجود في مصر مما يعني ان مصر فيها من الخبرات والكفاءات العظيمة ولكن قصة رئيس الوزراء احمد نظيف مع الشركات الامريكية سيسكو وسيف نت يقول غير ذلك وكان البلد لا يوجد فيها كفاءات وخبرات تمكنهم من تنفذ المطلوب مع ضمان عدم سيطرة الاجانب علينا ولذلك انا اتقدم بالشكر للرئيس مبارك حينما رفض ان يتم الاستعانه باي اجنبي في تامين المجال الجوي المصري وتم تدريب المصرين ومن ثم عمل منظومة خاصة من خلال برامج مصرية 100% لان الرئيس تعلم من اخطاء الماضي حينما كان هناك تعاون مع الخبراء الالمان في حلم الصاروخ الظافر والقاهر اللذي اعلنت مصر بعد ذلك انه قد توقف هو ومشروع الطائرة المقاتله حلوان ......يووووووه ده التاريخ مليان حاجات كثير يا جدعان والسيدة الفاضلة سيدة مصر الاولي صوتها اتنبح وهي بتقول اقراء لطفلك والفنانة الشريفة العفيفة يسرا فضلت تنادي وتهاتي وتقول لازم نقراء لازم نقراء لازم كلنا نقراء ولكن للاسف احنا شعب لا يقراء وان قراء لا يفهم واول حاجة حرقناها في الثورة هي مكتبات الاسرة ليه قال عشان اللي عملتها هي السيدة سوان مبارك !! طيب طالما احنا حلوين قوي كده ليه بقي بنتفرج علي التلفاز وبنتكلم في الموبايل وبندخل علي النت والفيس بوك طالما اللي عمل الحاجات دي عالم يهود وخوجات ولا حنا خلاص معدش لينا مخ يميز ويعرف الصح من الغلط يعني معامل الابحاث بتاعة موقع الضبعه النووي ايه اللي سرقها ويحرقها مراكز بحوث الصحراء اللي بقالها سنوات بتعمل ابحاث عن زراعة القمح لتوفير اكتفاء ذاتي ايه اللي يحرقها ويدمرها اثناء الثورة وبعدين الثورة دي كانت في التحرير ايه اللي وداه الثورار دول لكل من سيناء والساحل الشمالي للحرق والتدمير ..... طالما ان سبب قيام احداث 25 يناير هو العيش والحرية والعداله الاجتماعية .... ادنيا اهو ضيعنا ابحاث القمح ومجهود سنين عشان نوفر القمح اللي عن طريقة حنلاقي العيش !! وبالتالي من يملك غذاءة فهو يملك حريته !! اللي بردو كنتوه بتنادوه بيها يا جدعان ....ولما نكون بلد حرة قوية تملك غذاءها والطاقة الخاصة بيها حنقدر ننتج ونشتغل ونوفر فرص عمل من خلالها وعن طريقها تتحقق العداله الاجتماعية !! هل حقاً اللي بيدور علي تحقيق الاهداف دي اللي بالفعل كانت موجودة يروح يحرق مكتبات ومراكز ابحاث ومحطات نووية ؟
طيب هل تعاقد كان احمد نظيف مع شركة سيسكو الامريكية لحماية النظام الالكتروني في مصر مجرد اكرامية لتعين كل من ابنه شريف وابنه خالد كمهندسين فيها بمرتبات كبيرة رغم تقديم شركة انجليزية عرض اقل تكلفةواكثرامان ام ان ذلك الكلام كان مجرد شائعة وهل فعلا قامت الشركة الانجليزية باختراق النظام الالكتروني المصري وذلك بالدخول المتعمد علي احدي حسابات البنوك المصرية لتثبت لنظيف ضعف شركة سيسكو وانها كانت بالفعل جديرة بتنفيذ المشروع هل كان تعاقد نظيف بالتعاقد من سيف نت بعد فسخ التعاقد مع سيسكو لتقوم بنفس المهمه بعد الاختراق من قبل الشركة الانجليزية ولماذا تم السماح لشركة موبنيل بناء محطة تقوية كبيرة للشبكة وذلك في المنطقة الحدودية مع فلسطين واسرائيل مما ادي لاختراق العدو لقطاع الاتصالات المصرية من خلال التقاط ترددات الشبكة المصرية ومن ثم مراقبة كل ما يجري من خلالها

لكن هل حقا كان يعلم نظيف والعادلي اننا قد اصبحنا مخترقين امنيا من قلب اسرائيل من خلال النظام الالكتروني المصري ؟
هل اوهم حبيب العادلي الرئيس مبارك بانه هو الذي يحافظ علي البلد باعتبارة كان رئيس جهاز امن الدولة بالسابق ؟

لا اعتقد ان العادلي او اي كأن من كان يتسطيع ان يوهم الرئيس مبارك بشئ

هل اعتبر حبيب العادلي نزول الجيش يوم 28 يناير اهانه له بعد ان فشل في احتواء المظاهرات يوم 25 يناير ؟

لو فكرنا بالعقل مع شوية تركيز نستطيع ان نقول لا طبعا لان هناك تنسيق بين الداخلية والجيش وهناك خطط مسبقة تم التدريب عليها من قبل للتعامل مع اي ازمات اوعند حدوث اي خطر ما قد يعترض الامن القومي ... ومن الممكن ان يتم استخدام افراد الامن المركزي تحت قيادة قوات المشاة في الجيش وكل من الجيش والشرطة الاثنين يعملون تحت قيادة واحدة يعني بالبلدي المدير بتاعهم واحد وهو الرئيس مبارك اذا مفيش اي تعارض بين الاثنين لان القيادة العليا واحدة
هل قرر العادلي الانتقام من الرئيس مبارك فقام بعمل الانهيار المفاجي للامن
اعتقد ان اللي روج للكلام ده هما بتوع الاعلام الحقير اياه اللي كان كل هدفهم تاكيد ان الانهيار الامني اللي عمله رجال النظام ولبعد الانظار عن قناصة حماس وايران و حزب الله والاخوان المسلمين وشركة بلاك ووتر الامريكية !!

هل حقا ما يقال بان العادلي ما قد قام به بغرض تاديب للقيادة فقط ام للشعب المصري بالكامل ؟

طيب وهل يعقل ان ان يقوم واحد في ذكاء العادلي استطاع ان يقضي علي الارهاب في صعيد مصر ....!! ذلك الارهاب اللذي حول كل من المنيا واسيوط والاقصر الي مناطق غير امنه بالمرة و يستباح فيها قتل المواطنين الابرياء عن طريق عمليات ارهابية قذرة ان يغلط غلطة بان تسول له نفسه بالانتقام من الرئيس مبارك والنظام بالطبع لا ولكن الاعلام اياه مثل قناة الحقيرة والمصرين العاملين فيها خاصة الارزقية اللي كل شوية يتنططوه من قناة فضائية لاخري مثل النسانيس علي شجرة موز ذهبية فهؤلاء هم من روج لتلك الشائعات حتي يساهم كذبهم في زيادة اعتراض وسخط الراي العام في مصر !!

هل كان جهاز امن الدولة هو المسؤل عن التوازن بين المسلمين والنصاري طوال الفترة الماضية ؟

دعوني اسالكم سؤال اخر هل يعيش النصاري في مصر داخل كمباوند خاص بيهم منعزل عن باقي مصر ؟ بالطبع لا ان العلاقة بين المسلمين والمسيحين متداخله ومتشعبه انت لا تعرف اذا كان جارك في الميكروباص مسيحي او مسلم ولا تعلم وانت في تاكل في احدي عربات الفول والطعمية اذا كان صاحبها مسيحي او مسلم ولا تعلم ان من قام بخبز العيش في الافران مسيحي او مسلم ....وكل واحد منا لديه اصدقاء مسلمين ونصاري بغض النظر عن ديانة كل واحد فينا ...فكيف اذا ان يكون امن الدوله هو المسؤال عن ذلك ؟ ولكن لاني اعتدت ان اقول الحق نعم هناك بعض المشاحنات ولن اخشي احد في قول الحقيقة ان من يقوم بتاجيج تلك المشكلات هم رجال الدين انفسهم من كلا الجانبين لتحقيق مصالح خاصة وللاسف الشديد ليس كل الناس مثل الشيخ الطييب شيخ الازهر او مثل البابا شنودة الثالث بابا الاسكندرية وعموما علاقات المسلمين والمسيحين الشخصية ممتازة بعيد عن تهيج بعض رجال الدين والاعلام اللذين لديهم اجندات خاصة بيهم

لماذا اقدم جهاز امن الدولة علي حرق المستندات اللتي لديه ؟

لذلك السؤال يثير لدي سؤال اخر...... ولكن ما الذي يضمن لي انه قد تمت الفعل حرق مستندات وان ما حرق هو اصول وليس صور .... وهل كان حرق المستندات مجرد لعبه او مناورة الغرض منها ارسال رسالة ما لكي يطمئن طيور الظلام بانه لم يعد هناك ما يدينهم وبذلك يخرجون من جحورهم لاستكمال باقي مخطاطهم لاسقاط مصر ومن ثم يقع هؤلاء في الفخ المنصوب لهم ؟ ويقدمون بغبائهم بعد ان بيلعوه الطعم داليل ادانتهم وادانه من يقف ورائهم ؟ اصل من المتعارف عليه ان مصر دولة بيروقراطية يعني اي ورقة او مستند في الحكومة بيتم حفظة في اكثر من جهه يعني بالبلدي كده محدش في الحكومة بيحط البيض كله في مشنه واحدة !! ولو رجعنا بالذاكرة للوراء لبداية الاحداث وبعد حريق مبني الحزب الوطني احد القيادات وقع بالكلام من خلال ذله لسان وما اروع زلات اللسان اللتي تكشف الحقائق بانه كانت هناك تعليمات من الرئيس مبارك بنسخ كافة المعلومات الموجودة علي الاقراص الصلبة الخاصة باجهزة الحاسب الالي ونقلها خارج المبني لمكان امين تحسبا لحدوث اي مكروه وان يتم مسح اي داتا من علي جميع الاقراص الصلبه بعد ذلك يعني الرئيس كان علي علم بكل صغيرة وكبيرة قبل ان تحدث يا جدعان والراجل واعي ومدرك وكمان بيتبع اسلوب الوقاية خير من العلاج و لكي لا تقع اي اسرار خاصة بأمن مصر في ايدي الاعداء سواء بالداخل او الخارج
من اللذي يدير الازمة منذ 25 يناير وحتي تخلي الرئيس عن الحكم
من وجهه نظري المتواضعة هي انه قد يكون من يقوم بذلك هو الحاكم العسكري للبلاد !!

لماذا اختفي اسامة الباز من الرئاسة بهدوء وبعد عن الحياة السياسية ؟

  لاستبدالهم بكلا  من السيد عمر سليمان والفريق احمد شفيق

هل حقا كان الرئيس مبارم غائب عما يدور من حولة ام انه كان يوهم الشعب بذلك ؟

اعتقد ان الرئيس مبارك كان يسير علي نهج الرئيس السادات بانه جعل الجميع بالداخل والخارج يري ويسمع ولكن دون ان يفهم .... وما يؤكد كلامي يمكنا ان نرجع لكلام الرئيس في خطابه الاخير بمناسبة عيد الشرطة قبل 72 ساعة من قيام احداث 25 يناير الماضي ....بالاضافة الي ان الرئيس مبارك قام بارسال رساله تحذير للرئيس الايراني محذرا اياه بتحمل العواقب اذا حاول المساس بامن مصر القومي .....!! ان اللذي لا يعلمه البعض ان الرئيس مبارك خبير في استخدام سياسة القوي الناعمة يعني عارف كويس هو يقدر يجيب حقه وحق مصر من بق الاسد وهو جالس مكانه وبكل هدوء !!

هل كانت التقارير اللتي تقدم للرئيس عن شئون الشعب تصل اليه بصورة مباشرة ام تمر علي جمال مبارك وكريا عزم اولا ثم يقومان باعداد التقارير بمعرفة الاثنين ؟

الرئيس مبارك لم يكن يكتفي بالحصول علي المعلومة من مصدر واحد بل كان يحصل عليها من اكثر من مصدر وكان بذلك من خلال خبرته وحنكته السياسية يستطيع ان يعلم الحقيقة من وسط كلام هؤلاء وبخصوص السيد جمال مبارك الذي لا يعلمه الجميع ان دوره كان اقتصادي فقط لا غير ولا احد يتسطيع ان ينكر الا الشخص الجاحد فقط دور سياسات السيد جمال مبارك في الحد من خسائر في تنفيذ الاصلاح الاقتصادي مما ادي الي ان تكون مصر من الدول القليلة علي مستوي العالم تأثر بالازمة الاقتصادية العالمية اللتي تعاني منها الان كل من امريكا واليونان وسوف تلحق بهم ايطاليا وباقي دول العالم وهو ما ادي الي ترشيح مسؤل مصري لمنصب رفيع في البنك الدولي منذ فترة قريبة مضت !

هل كان راس المال هو المسيطر علي الحزب الحاكم وهو السبب في عدم فاعلية الاحزاب الاخري ومشاركتها في الحياة السياسية ؟

معلش يعني المثل بيقول ايش حايشك عن الرقص الا قصر الاكمام .... يعني لو الاحزاب دي كان ليها ارضية او صوت معملتش مشروعات لتنمية البلد ليه .... مقدمتش حلول ليه من خلال اعضائها في مجلس الشعب ولا هما احزاب من ورق تماما مثل الاخوان المسلمين ليس لديهم حلول ولكن مجرد اعتراضات طيب قدم حل وتعالي نتناقش عليه انما طول ما انت بتقول انا معترض طيب اعتراضك ده قوله من خلال نقاط وتعالي نقعد مع بعض ونعمل عصف ذهني ونوصل كلنا لحل لاجل الصالح العام انما هما معندهومش اصلا حل لمشكله ممكن تتحل بس نسمع بعض الاول انما بتوع المعارضة مش عاوزين يسمعوه حد منتظرين انك تصمت عشان يفرضوه وجهه نظرهم اللي حافظنها ومش فاهمين للاسف هما عاوزين ايه وكل كلامهم لما نمسك الحكم ..... طيب ما الشاطر هو اللي يخلي الاخرين ينفذوه افكاره ومشروعاته ويكفيه فخرا ان الحكومة قد تبنت وجهه نظره وقامت بتنفيذ توجيهاته وهو علي الاقل لو الحكومة فشلت تبقي هي اللي تحاسب علي المشاريب انما لو المعارضة مسكت الحكم وفشلت في ايجاد حلول الشعب هو اول واحد حيمسك في زمارة رقبتهم تماما زي ما بيحصل في مصر الان قالو عاوزين الرئيس مبارك يرحل ناو وبدءت وصله النونوه والهوهوه والنهيق العالي واستعراض مواهب مناضلي الكيبورد الفنية الاستعراضية الغنائية ..... وارحل يعني امشي !! ....توك ...توك ...توك يااللي مبتفهمشي !! ....توك .... توك .....توك !!! وفي الاخر الرئيس قال لهم طيب استنوه كام شهر بس واسلم البلد بصورة سليمه لرئيس شرعي جديد ودول يقولو لا الان وفورا مش حنقدر نصبر عليك اكثر من كده !! في حين لما الشعب بيقول لهم البلد خربت بيقولووه للشعب الصبر لازم نصبر كام سنة لجني ثمار ثورة !!
طيب فاقد الشئ لا يعطيه يا جدعان انتو مقدرتوش تصبروه علي الرئيس عاوزين الشعب يصبر عليكم ازاي ؟!!

كيف كان الرئيس مبارك يستعد للحملة الانتخابية له وفي نفس الوقت كانت مؤسسة صحفية كبري كانت تجهز دعاية للسيد جمال مبارك كرئيس للجمهورية ؟

اللي الناس متعرفوش ان ده كان جزء من خطة الخداع الاستراتيجي للقوي العظمي حتي لا تعلم من هو رئيس مصر القادم والذي كان يعده الرئيس مبارك بالفعل من خلال تكليفه ببعض الملفات الاستراتيجية الهامه وهو السيد عمر سليمان علي ان يكون النائب له هو المشير طنطاوي وذلك حتي لا يتعرض اي منهم لمحاوله اغتيال لكي تحول القوي الخارجية عن وصول هؤلاء لحكم مصر لانهم يردون خونه وعملاء لهم يحكمون مصر علي غرار النموذج التركي والقطري وكما شاهدنا في كل من العراق وافغانستان .... ونفذ السيد جمال مبارك خطة الخداع الاستراتيجي فقط من اجل مصر

كيف صدق بعض المثقفين الرئيس مبارك عندما قال ليس هناك توريث وتم تعديل مادتين في الدستور تنفي ذلك ؟

لم يصدق المثقفين ورجال السياسية كلام الرئيس مبارك لان دائما من يقول الحقيقة لا يتم تصديقة تماما مثلما اتي بعض القوم للبحث عن سارق ومر هؤلاء علي منزل يقف امامه صاحبه وسالوه هل رأيت فلان قال لهم نعم انه يختبي بداخل منزلي فنظر له القوم بدهشة وقالوه له ويحك اتسخر منا يا هذا .....!! وذهب القوم فدهش الرجل لانهم لم يصدقوه لانه بكل اسف يقول الصدق وليس مثلهم يكذب .... لان الكاذب يفتكر ان كل الناس كذابين والحرامي يعتقد ان كل الناس شيوخ منصر وان الباغية بتشعر ان كل النساء بغايا .....!! وذلك هو حالنا الان في مصر بكل اسف !!