• مدونه سياسيه تخص الاحداث المصريه ، مدونه الحقيقه بدون انحياز
  • هل ماحدث فى مصر كان بيد الشعب ، ام كانت مؤامره  ام للايام راى اخر
  •  تعرف على الاحزاب والجماعات من حولك
  •  مدونه احداث مصر ، تعرف على فكر الاسلاميين والليبراليين والاخوان
  • الثوره المصريه وعلاقتها بالاحداث العربيه، من هى حركه 6 ابريل من يحكم مصر
English French German Spain Italian Dutch

Russian Portuguese Japanese Korean Arabic Chinese Simplified

جيران الهناء

الأحد، 21 أغسطس، 2011 التسميات:
جيران الهناء

ممكن نفكر سويا بالعقل شويه ..... نرجع شويه كده للخلف عندما قال عبدالناصر فى أعقاب هزيمة 1967 إنه تم استدراجه إلى المعركة، ، بسبب التصعيد الشعبى والإعلامى والدبلوماسى المبالغ فيه منذ إعلان الاتحاد السوفييتى عن وجود حشود إسرائيلية على حدود سوريا حينذاك وهو ما تبين عدم صحته فيما بعد وطبعا دي كانت عملية اصطياد «الديك الرومى». او الاسم الكودي لتلك العملية العسكرية ضد مصر آنذاك ياريت نقرا التاريخ علشان نتعلم منه الاخطاء ونختار احنا زمن المعركه محدش يستدرجنا ليه زي عام 1967 بلاش نحقق للعدو اماله واحلامه علي طبق من ذهب و لو فكرنا بالعقل مش بالعاطفة الخيبانه حنلاقي انه مفيش وقت انسب من هذا الوقت ..لاعادة احتلال سيناء مرة اخري من قبل الكيان الصهيوني ... بالفعل هم شبه مسيطرين علي نهر الفرات من قبل الامريكان و على مر التاريخ معروف ان اليهود هم اصحاب الخطط البعيدة المدي وهم من يلعبون بعنصر الزمن جيدا لاقتناص الفرصه واللحظة الحاسمه وما اروعها مصر الان .. دوله بلا رئيس بلا مجالس نيابيه دوله ذات حكومه شرفيه بقيادة مدعي الشرف !! دوله منهارة بها كل انواع الانهيارات من انهيار اقتصادى و انهيار امنى و انهيار اخلاقي بخلاف كثرة المشاكل الداخليه و كل واحد متربص بنا من الداخل والخارج عايز اكبر مكاسب من الطورطة خاصة بعد انهيار نظام مبارك وطبعا الجيش المصري الان منطقي انه منهك بالمشاكل الداخليه و لايوجد بديل لحفظ الامن الداخلى بعد انهيار الشرطة وامن الدولة و طبعا باقي الدول العربيه فى اضعف حالتها و يجرى تقسيمها خاصة في ظل وجود حكام اغبياء مصدقين ان مبارك عميل للامريكان ومتخيلين ان من سيجعل منهم زعماء هو الحلم الامريكي مثل زوج الليدي بنانا و كبير التبشير اللي ترك نصف دولته للحملات التبشيرية حتي انفصل جنوبه عن شماله بعدما كان اكبر دوله عربية وافريقية وبها الكثير من الموارد الطبيعية ولما لا وكل منهما واخد التطبيع مع الدوله العبريه كجواز مرور للرعاية الامريكية و بينما كل دوله مشغوله باحداثها الداخليه نجد ان الرئيس اوباما ينتظر مباركه اليهود له للترشيح لفتره ثانيه و لذلك في كلا الاحوال لن يدعم دوله عربيه فى مواجهه اسرائيل حتى لو كانت مصر وطبعا اسرائيل بتعمل زي امريكا في الهاء شعوبها و عندهم مشاكل داخليه وكل مهمة الحكومة الاسرائيلية الان هو تشتيت الشعب اليهودى عنها وجعلهم يتوحدون خلف نتنياهو مثلما تفعل امريكا لجعل الامريكان يتحدون خلف رئيسهم بزعم مكافحه الارهاب بدء من جورج بوش الابن و بمناسبة جورج بوش الابن محدش ليه من الاخوة الحلوين الثوار فكر وشغل عقله ده لو بيعرفوه اصلا يفكروه وقالو ان جورج بوش الاب وجورج بوش الابن ده في حد ذاته يعتبر توريث ؟ ! ولا هي امريكا وعملائها ماشين بمبدء عيوبي لا اراها وعيوب الناس التانين خاصة المصرين اجري وراها !! حد عاقل او مجنون يقولي ان ده وقت التصعيد والتلويح بالحرب ! سؤال غبي حبيتين هو مش ده الجيش اللي طلع عمر افندي وكل الخونه والعملاء قالو مش عاوزينه و طلعت بنت محفوظ تشتم المشير والمجلس العسكري .... بيلوحوه بالحرب ليه بقي طالما الجيش ده وحش واخيه عليه واخص عليه اخص اخص ..... عاوزينه يحارب لهم ليه بقي ..... اللي يعرف ابسط قواعد الدبلوماسية كان فهم ان ارض السفارة تعتبر ارض تابعه للدوله بتاعتها .... والسادات كان ذكي ضحك عليهم اكثر من مرة لما عمل سفارة مصريه في تل ابيب وبكده يعتبر اصبح لمصر ارض في قلب اسرائيل ... بينما قام بتاجير دورين لهم في عمارة يعني مش عارفين يملكوه ارض في مصر .... طبعا في كل من الاردن وقطر اسرائيل تمتلك مبني سفارة مستقل يعني تمتلك اراضي داخل تلك الدول عشان الجيل الجديد يفهم بس الفرق بين السادات ومبارك وباقي اشباه الحكام ....!! ياتري حد خد باله من كام سنه فاتت لما اسرائيل وامريكا قالو ان طالما اتفاق السلام ناجح بين مصر واسرائيل لا يوجد داعي لبقاء قوات حفظ السلام المتعدده الجنسيات في سيناء .... والوحيد اللي رفض باستماته هو الرئيس مبارك برغم تشجيع الوزراء المصرين علي تلك الفكرة .... عرفتوه بقي بعد نظر الرئيس مبارك لانه خبره في التعامل مع اليهود .... وفعلا توقعاته حدثت الان والتاريخ قال كلمته .... انه كان ولا يزال صح بدليل ان قوات حفظ السلام الدوليه اثبتت انتهاك اسرائيل للحدود المصريه طبعا لو قوات حفظ السلام الدوليه كان تم سحبها كان من المستحيل علي مصر اثبات ان هناك انتهاكات من الجانب الاسرائيلي ...... الناس مش قادرة تفهم ان اخذ الحق حرفه .... وان اسرائيل عاوزة تكسب بنط تتفاوض بيه معانا خاصة ان كل الشواهد كانت في صفنا اننا ناخد حقنا تالت ومتلت بالقانون والشرعيه الدوليه والتحكيم لكن عمليه انزال وحرق العلم من فوق السفارة والتاجيج الاهوج من قبل بعض الخونه وادعياء الوطنيه خاصه مع توزيع اقراص ترامدول عليهم عشان يفضلوه صاحين وواقفين امام مبني السفارة ...وقال ايه رافعين صور جمال عبد الناصر ياتري ده عشان هو سبب النكسة بتاعه 67 يعني و لا عشان ميحطوش صورة السادات او مبارك اللي ادي الدرس موجع لهم.. ياريت نفكر ونعرف ان مصر حاليا غير مهيئة للدخول في تصعيد عسكري ..... مصر المصانع متوقفه ومفيش فلوس من السياحه وبنصرف من الاحطياطي النقدي اللي عمله مبارك ..... بالبلدي كده الفلسطينين والصهاينة والماسونية والرافضية عاوزين يجروه مصر للفخ ..... لازم نكون اذكياء ونفهم الناس دي بتفكر ازاي ونفوق توقعاتهم و لكن الحل الوحيد الان ان يتحد الشعب ويفوق لابعاد المؤامرة علي مصر....... وطبعا نفوت الفرصه علي " جيران الهنا !! "
Twitter
Facebook
Feed

0 التعليقات:

إرسال تعليق

Related Posts Plugin for WordPress, Blogger...
 
احداث مصر © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates